AF222a: 8v

Yūsuf ʿ[aleyhi s‑selā]m bu gün doġmadı‑mı qarındaşı eyidür * babasından ayrılub āḫir // Mıṣırda maḥbūs olmadı‑mı * Bāyezīd eyidür İbrāhīm peyġamber ʿ[aleyhi s‑selā]m bu gün daḫı gelmedi‑mi // qarındaşı eyidür Nemrūd oda atmadı‑mı Bāyezīd eyidür Resūl ʿ[aleyhi s‑selā]m bugün ceng ėdüp kāfiri // qırıp [!] helāk ėtmedi‑mi qarındaşı eyidür niçe zaḥmet çeküp āḫir mübārek dişi müşhīd [!] olmadı‑mı // ammā bu gün kesilen libās ṣāḥibinüñ rızqı arta ve ʿayş ʿişreti ziyāde ola ve bugün terāş // olan kimsenüñ rızqı ziyāde ola ve bu gün ṭırnaq kesen kimesne visvāsdan emīn ola * ve ṭālib‑i ʿilmler // kitābet ėtmek eyüdür ve menqūldür ki bir kimsenüñ çehār‑şenbe gün bir yėrden ṭaş qaldurub // bir yėre qosa ümīẕdür ki gelecek çehār‑şenbe gün yine yėrine gele ve bu taqdīrce sefer mübārekdür // ve bu gėçe [!] ana raḥmına düşen oġlan el‑ʿıyāẕ bi‑llāhi quṭṭāʿu ṭ‑ṭarīq ola ve ḫūn‑rīz ol[a] // ve bu gün yeñi olan ay otuz günde tamām olur * ve Muḥarrem ayınuñ ġurresi bu gün olsa qış // ortacıġlu ola ve kesb [ü] kār eyü ola ve yaġmur çoq yaġa ve pirinç ve sāyir niʿmet u berekāt çoq // ola ve bāzir‑gānlar niʿmeti çoq ola ve Īrāq [!] iline āfet ėrişe * ve ʿArab vilāyetinde pādişāh // helāk ola ve sulṭān‑i islām quvvet ve nuṣret ola ve bu gėçe [!] bī‑vaqt ḥoros ötse oġul // ile ana cānibinde ayrulıq düşe * ve bu gün şimāl ṭarafına sefer menmnūʿdur * ve bugün ve yek‑şenbe // gėçesi [!] ʿuṭāride müteʿallıqdur sefer ve nikāḥ ve ticāret ėtmek ve yeñi geymek eyüdür ve yeñi biçmek // ve bir yėrden bir yėre ḫaber göndermek ve ekābir ve ehl‑i dīvān ḥużūrına varmaq ve oġlan mektebe // vėrmek cümlesi eyüdür * ammā iḫtirāz [!] gerekdür ki ḥasūdlara buluşmaqdan ėller ile iş // ėtmekden ve bu gün ve bu gėçe [!] doġan oġlan ʿāqil ve kāmil ola ve bugün ḥasta [!] olan kimesne // bu ʿazīmeti yazup ṣuyın içüreler bi‑iẕni llāhi taʿālā şifā bula * bi‑smi llāhi r‑raḥmāni r‑raḥīm // wa‑ṣ‑ṣāfāti ṣaffan fa‑z‑zāǧirāti zaǧran fa‑t‑tāliyāti ḏikran inna ilāhakum lawaḥidun yevmü l‑ḫamīs // bu güne ʿAcemler penç‑şenbe dėrler ḥācet günidür ve bu gün ṭaleb olınan murād ḥāṣıl ola // ve yevm‑i fetḥdür zīrā ki Ḥażret‑i Resūl ʿ[aleyhi s‑selā]m bu gün Kaʿbeʾi fetḥ eyledi ve ḥażret‑i Yūsuf ʿ[aleyhi s‑selā]m // bu gün Mıṣıra girdi ve taḥta [!] bu gün oturdı * ve atası Yaʿqūb ʿ[aleyhi s‑selā]m ile bu gün mulāqī oldı // ve ḥażret‑i İbrāhīm ʿ[aleyhi s‑selā]m Nemrūda bu gün ẓafer buldı ve ḥaqq taʿālā ḥażret cenneti ve cehennemi ve rıżvān bu gün // ḫalq eyledi * ve bu gün ḥicāmet ėtmek memnūʿdur ve bugün qable z‑zevāl eyüdür ve saʿddur ve bu gün // qaṭʿ olınan libās ṣāḥibine ḥaqq taʿālā ʿilm erzānī qıla ve ʿazīz ve muḥterem ola ve bu gün terāş // olan kimesne cümle ḫalq içinde heybetlü ola ve rızqı ziyāde ola ve bu gün ṭırnaq kesen kimesne // ḫalq içinde muʿteber ola ferḥunde [!] ḫalāṣ ola * ammā bu gün ṭırnaq ikindüden ṣoñra